Blóðtrýst

Hvat er ov høgt blóðtrýst?

Ov høgt blóðtrýst ella hypertoni tá blóðtrýst er yvir tað vanliga hjá einum ungum fólki
Vanliga gevur tað ongi sjúkueyðkenni, men kann tíverri økja um vandan fyri hjartasjúkum og sjúkum í æðralagnum og nýrarsjúku.
Við blóðtrýstlækkandi heilivági kann vandin minkast munandi
Viðgerðin er oftast lívslong

Staðfest ov høgt blóðtrýst?

Um tú ynskir eina kanning ella er bangin fyri tú hevur ov høgt blóðtrýst skal tú biðja um eina viðtalutíð
Fyrst verður blóðtrýstið fyrst mátað hjá okkara sjúkrarøktarfrøðingum
Um tað liggur omanfyri 140/90, skalt tú gera eina heimablóðtrýstmáting
Viðgerarmálið verður sett av lækna, tað er ymiskt alt eftir aldri, blóðroyndum og um tú samstundis hevur aðrar sjúkur

Heimablóðtrýstmáting

Blóðtrýst er ein skiftandi máting, sum verður ávirka av nógvum ymiskum. Tí er ein máting í viðtaluni, serliga um hon er ov høg, ikki eftirfarandi. Eisini kann verða munur á morgni og kvøldi
Tað er ein heildarmeting, sum avger um blóðtrýstviðgerin er nøktandi

Eftirlit í viðtaluni:

Um tú hevur fingið staðfest ov høgt blóðtrýst, verður tú fylgdur væl upp við regluligum kanningum av blóðtrýsti og blóðroyndum, til røtt viðgerð er funnin til tín
Síðani skalt tú til eftirlit minst eina ferð um árið:
- Fyrst hjá sjúkrarøktarfrøðingi, har hjartabílæt og vekt verður tikið og blóðroyndir bílagdar
- Síðani fært tú eina svartíð hjá lækna ella sjúkrarøktarfrøðingi, har tikið verður samanum og ein ætlan løgd og reseptir gjørdar til næsta eftirlit, vanliga eitt ár. Hetta so tað ikki er neyðugt at ringja og endurnýggja heilivág
Títt árliga eftirlit verður vanliga í føðingardagsmánaðinum, so tað er lætt at minnast til